Diasabra, pa mas of menos 6:50 pm, un chauffeur femenino di edad respeta a bay purba di move su auto fo’i su cura di cas situa den Caya Caneblum. Pero aparentemente na momento cu e tabata saliendo, na luga di primi bay den reverse, el a primi trot, cu a haci cu e auto a subi y dal den cura di bisiña.
E chauffeur a keda tur spanta. A yama polis y hunto cu seguro a tuma nota di e situacion. E auto no a haya mucho daño, sinembargo e cura, cual tabata uno di waya, si a haya algun daño minimal.
