Diasabra atardi alrededor di 5:35 pm polis a para un auto marca Nissan modelo March color berde, numera A-14004 na altura di Retraco na Tanki Leendert. E chauffeur a actua sospechoso ora a mira polis. Debi na su comportacion sospechoso, a bay over na control’e. Durante e control, e chauffeur no por a demoster e documentonan valido di e vehiculo.
E March ta mustra recien gespuit, ainda ta blink, sinembargo no a percura pa pone seguro y regla impuesto pa por core cu ne. Takelwagen a hiba e auto warda di polis na Balashi. E chauffeur a notifica un conoci di dje riba e situacion, di cual a presenta mesora pa dun’e un lift pa cas.
