Tur hende cu ta biaha pa Boneiro y cu no ta biba na Boneiro, mester paga un Visitor Entry Tax na yegada. E Visitor Entry Tax aki, o sea Boneiro su impuesto di turista, a drenta na vigor dia 1 di juli ultimo y ta reemplasa e ”room tax” y ”car rental tax”.
Bishitante di 12 aña y mas chikito y habitante di e anterior Antia Hulandes, ta paga 10 US dollar pa bishita. Tur otro bishitante di 13 aña bay ariba tin cu paga 75 US dollar. Habitante di Boneiro no tin mester di paga e Visitor Entry Tax.
Biaha cu un cedula valido como prueba. Ora bo biaha pa Boneiro for di un di e islanan di e anterior Antia Hulandes (Aruba, Corsou, Sint Maarten, Sint Eustatius y Saba), bo ta paga un Visitor Entry Tax di 10 US dollar pa cada bishita na Boneiro. E ora ey bo tin cu comproba si cu un cedula valido cu bo ta biba na un di e islanan aki.
Paga tino, copia di bo cedula no ta suficiente. Bo mester tin bo cedula oficial hunto cu bo. Evita tempo di warda na aeropuerto, bay prome cu bo biaha pa Boneiro riba e website bonaireisland.com, click den e menu riba Entry Tax y registra y paga e Visitor Entry Tax prome cu bo biaha. Asina cu bo a registra y paga, bo ta ricibi un QR-code personal via email cu cual na bo yegada solamente un control tin cu tuma luga.
Por paga na yegada na aeropuerto tambe. Por haci esaki cu diferente carchi, manera creditcard, carchi di bancomatico y e maestro-card. No por paga cu cen cash. Bishitante cu ta yega Boneiro cu boto of yate tambe tin cu paga e Visitor Entry Tax. Bo ta desea mas informacion tocante e Visitor Entry Tax? Subi riba bonaireisland.com of manda un email na [email protected]
