Diamars atardi riba un 20 di februari 2024 a inaugura un plasa nobo riba nos isla. Ta despues di hopi tempo di trabou duro y cu claro, tambe tabatin su contratiempo cu ne. Ta papia aki di Plaza Comercio, situa den Columbusstraat den Playa.
Minister mr. Geoffrey Wever ta encarga cu e cartera di Asuntonan Economico, durante un entrevista cu representante di Headlines Group el a conta cu e ta sumamente contento cu e dia a yega. Tabata dos aña pasa cu tur cos a cuminsa. E tempo ey riba un pida parkeerplaats di asfalt, scur tur sushi pa awe por inaugura un plasa bunita.
E minister tin su vision pa inverti den centro di ciudad. E plasa ta carga e nomber di Plaza Comercio pero dedica na dos comerciante baluarte di Wilhelminastraat esta Bruno Brenchie Arends y Angel Botta. Ta algo bunita y confirma gobierno su input pa hunto cu comercio inverti pa converti Wilhelminastraat y bisindario den un centro culinario.
E no ta facil, e ta bin cu su complicacionnan. Tin diferente stakeholder cu tabata importante pa haci e proyecto aki posibel. For di e ingeniero Raffy Kock pa conseho di minister cu a aproba e proyecto, Arubaanse Wegenbouw, DIP y DOW. A sigui cu e proceso pa dedica e plasa na nomber di personahe importante. Ora a termina e proyecto a converti e idea y vision den un rendering bunita door di un oficina di arkitecto local. E idea ta pa trece e pueblo bek den centro di ciudad.
