Diamars atardi a tuma luga un momento special na Xavier University. Ey ta caminda cu den cooperacion cu e universidad y International Organization for Migration, a inaugura un centro di clinica gratis pa tur esunnan indocumenta riba nos isla. Alena Samanez ta coordinado di proyecto, durante un entrevista cu 24ora.com el a conta cu desde awe padilanti, cualkier persona cu no tin acceso na salud medico general na Aruba, por ‘walk in’y traha su cita pa ricibi un chekeo medico gratis. Esaki ta sosode riba diamars y diahuebs. Pero riba dialuna, diaranson y diabierna por pasa na oficina di dokter Rivera caminda lo trata casonan mas severo of cronico.
E clinica aki ta primordialmente pa personanan cu no tin acceso na salud general. Cu e clinica aki, tin como idea pa alivia un poco e situacion pa cu nos salud publico na Aruba. E studiantenan di Xavier University mes t’esunnan cu lo tuma presion, check sucu y mas. Ta bay asina leu cu hasta tin acceso na laboratorio.
Ta traha cu diferente partnernan manera entre otro HIAS. Tin un demanda grandi pa tipo di servicio asina. Dentro di dos siman so, a trata como dos shen pashent. E ta un derecho fundamental pa tur hende tin acceso na salud sin tene cuenta cu bo nacionalidad of bo status migratorio. E grupo di meta no mester tin miedo pa asisti, como nacionnan uni, ta garantisa e siguridad y e acceso na medicina necesario.
