Doñonan di e Nissan Sentra a bin topa nan auto horta na Catiri. Nan a avisa polis. E famia a bay keiro banda di e hotzone di Palm Beach. Ora cu nan a yega na e luga unda a laga e auto, esaki no tabata tey mas. A notifica polis di e ladronicia. Diadomingo siman pasa a bay cu e auto. Diasabra mainta a topa e auto para nechi dilanti un cas na Catiri.
Dia a horta e auto e tabata tin A-15502 pega riba dje. Diasabra mainta a haya e auto cu A-57182 pega riba dje. Probablemente e plachi ta horta. Den e auto a haya e cosnan personal laga atras dia a horta e auto. Solamente e boter di alcohol sterki y bashi ta loke ladronnan a laga benta patras. E auto tabata falta un luz.
E ladronnan a zorg pa pega e luz nobo. E auto tabata tin un golpi na e wantalodo y e golpi aki ta sla bieu. Finalmente polis a tuma e auto Nissan Sentra den beslag pa investigacion. E doño di cas a splica cu mey anochi a para e auto dilanti su cas. E no tin cura. E no conoce esnan cu a laga e auto atras. Mas bien el a spanta mainta diasabra ora a mira polis para dilanti di e cas.
