Diabierna anochi 24 di november e cayanan di Casibari tabata yen yen, no tabatin casi luga pa parkeer di asina hopi hende a bin presencia e Paranda di Balashi na Mi Dushi Casibari despues di hopi aña.
“Tabata haci falta!,” un di e personanan presente a comenta. Jessica de Veer di Tropical Bottling Company a conta nos cu nan tabata hopi contento y sorprendi pa por a mira e cantidad di hende cu a yega pa bin disfruta di e dushi fiesta crioyo aki.
A pidi tur hende pa bini trempan y nan a cumpli. Diabierna anochi nan tabata tin tres banda cu a subi stage cumisando cu Rincon Boys, Shine Music y N’Fuzion. Otro siman 1 di december tin un edicion mas, dus marca boso calender.
“Akinan tin bon ambiente. Balashi, mi ta contento cu nan ta pone algo asina ‘ki pasobra e ta hopi bon pa diverti un poco tambe,” un otro persona den publico ta conta nos.
Keda pendiente riba e pagina di Facebook di Balashi Aruba pa mas informacion pa loke ta e siguiente edicion di Paranda di Balashi p’e aña aki, hunto cu tur deals y Bucket Specials cu lo tin pa asina bo sigui na disfruta di e paranda di mas dushi riba nos isla habriendo caminda pa temporada di fin di aña, Paranda di Balashi!
