Un suplica di mama awe den oranan di mainta pa paradero di su yiu muhe (Charlize) a duna resultado positivo.
E mama a pone riba Facebook pa yud’e informacion cu su yiu muhe, kende a sali for di cas e dia anterior (diadomingo) den oranan di atardi y te e momento ey (rond di 10:00 AM) no a bolbe ainda. E tabata den compania di un otro mucha muhe.
Polis a mobilisa a base di informacion ricibi y a drenta un cas na Sero Biento unda cu a topa cu e mucha muhe aki y e amiga di dje. Tambe tabata tin dos otro mucha homber na e sitio. Nan tur ta parce menor di edad.
A bay cu tur warda.
