Diamars atardi algo pasa di 4:30 a bati alarma pa candela na Banco di Caribe. Testigo lo a haya holo of mira huma den e di tres of cuater piso.
Dos unidad di bombero a yega e sitio. A evacua tur trahado cu tabata cerando nan transacionnan, cu a haci durante dia.
Den pasado tabatin evacuacion pero como ehercicio, awe e trahadonan a pasa susto un rato debi na e evacuacion repentino cu a tuma luga. Bombero a inspeciona e edificio bon prome cu duna señal cu tur hende por drenta bek pa 5:00 pm.
Giovanni Croes, director di Banco di Caribe a remarca cu a sigui procedura manera ta estableci. Awo lo investiga kico a activa e alarma. Banco lo habri mañan normal.
