Den oranan di atardi a bati alarma pa un grupo di hoben cu tabata core bais den un forma hopi iresponsabel y poniendo trafico na peliger. Den e area di Eagle Beach, dicho hobennan tabata haci maniobra cu nan bais y stroba asina personanan cu tabata cana atardi rib’e strip.
Ora cu polis a presenta, nan a logra para un di e hobennan aki. Algo a bay robes y e hoben riba bais a dal den brommer di polis y kibr’e spiel.
Na final, a confisca e bais y a transporta e hoben pa ward’i polis. Locual ta di remarca cu tur atardi ta haya un grupo grandi di hoben riba bais ta core den mesun area y ta pone trafico na peliger.
