Awe tardi pa mas o menos 4:30PM Polis a bay na un adres den Papillon pa atende cu un homber burachi. E tabata haci fastioso y esey a pone cu e habitantenan a dicidi di yama Polis.
Polis a purba calma e homber na e sitio, pero mirando cu e no ta coopera cu nan, a opta pa deten’e pa buracheria. A transport’e pa warda di Polis na Santa Cruz. Ey lo sigui atende cu e homber riba su comportacion cu ta laga hopi di desea.
