Dialuna pasa di 11:00 pm a pidi presencia di polis cu urgencia den e area hotelero pa dos trahado cu lo ta bringando cu otro uzando un arma blanco. Na yegada di polis, ya nan a bandona e sitio caba y mesora a cuminsa un buskeda pa nan den e area y a logra haya informacion cu un di nan lo ta den bus di Arubus direccion Playa.
Net prome cu entrada di Strand politie a blokia e bus y a baha e homber aki fo’i e bus. El a risisti su detencion pisa y a insulta polis sin fin. Den e bus polis a topa cu e cuchiu cu el a uza. A confisca esaki mesora y a pone den patruya.
E victima di e pelea a resulta herida y a transport’e pa hospital pa ricibi tratamento medico.