Tabata alrededor di 8:30 pm ora cu polis a duna un auto marca Nissan modelo Sentra señal pa para na altura di La Granja na Savaneta pero sin resultado. E chauffeur a haya ta bon di paga luz y purba trot bay laga polis. No ta trata di un patruya di polis sino un auto di recherche cu luz zwaailicht.
A start un persecucion tras di e auto aki. A core henter Yaraweg pa djey subi caminda grandi y djey bolbe lora bay bek direccion Yaraweg. Na altura di Savaneta 167B a logra para e auto aki, e no a bay den e miho manera mirando cu tanto e auto di e recherche como e otro auto a resulta kibra. E Sentra a ricibi mas sla cu e di e recherche.
A detene e chauffeur pa djey transport’e pa ward’i polis caminda e proceso di interogacion lo tuma luga. Pa awo, e homber lo pasa e proximo oranan tras di trali.
