Diasabra marduga a sosode un accidente na ultura ex Mio den Caya Betico cu De La Sallestraat. Aki un Ford Explorer tabata para na rotonde dunando preferencia y wardando su turno pa subi rotonde. Den un sera di wowo un Suzuki Vitara a bin tur cu tin y bin dal tras di e Explorer. Impacto tabata bastante fuerte.
A manda e Explorer over di e rotonde mande bay para otro banda. Ora cu polis a bin na sitio a pone e chauffeur di e Suzuki supla mirando e tabata mustra hopi cansa, a detene na e sitio mirando cu e tabata bou influencia di alcohol. Dog catcher a busca e detenido na sitio y transporte pa warda pa asina e haya un cuarto gratis pa e anochi.