Awe mainta, alrededor di 10:00 am, a sosode un caso di maltrato na Paradijs. Polis a presenta mesora na e sitio. Ey a constata cu un homber a maltrata su pareha. Polis a detene e abusado den area di Dyon Center, como cu el a cana bay di e cas unda el a comete e abuso fisico. Na momento di su detencion, a ripara cu e sospechoso tabata duna indicacion di ta bou di influencia. A hib’e ward’i polis p’e duna cuenta di su actonan.
