Persecucion tras di un auto cu e tin hopi tempo sin mira. Dialuna atardi, doño di un Nissan March a mira su auto riba caya. E tin como shete luna sin su auto, cu tabata den man di su ex-pareha. E ex-pareha a deal e March cu un otro persona pa un ‘sound system.’
E persona cu a deal su ‘sound’ pa e March, no a ricibi un recibi pa e dealmento. El a inverti basta sen den e auto. E señora, doño di e auto a sigui e March te na San Barbola, caminda polis a intermedia pa e señora haya su auto bek. Na final a confisca e auto y a pasa e caso over den man di recherche.
Por poco polis a detene e homber cu a deal su ‘sound’ p’e auto. Mirando cu el a splica su mes bon na polis, e ora a conseh’e p’e entrega un keho na recherche. Awo, e homber a keda sin su ‘sound’ y sin auto pa move cu ne.
