Habitantenan di Dakota ta sumamente rabia cu e situacion reinante den nan bario.
Cada dia cu pasa den bisindario di ex-stadion di Marlboro ta mira cu dolor na wowo e cantidad di sushi cu tin tira eybanda.
Ta parce cu cada dia tin algo nobo ta bini acerca. El a cuminsa cu un saco, probablemente persona di e bario mes lo a tira. Despues a bini cerca, taira bieu, material di construccion manera zink y resto di palo, bloki, caha di carton, palet, y hopi otro material mas.
Tristo ta cu por pone baki den bario, manera a sosode na Santa Cruz, pa e hendenan bin tira sushi, pero esnan tira caba no ta recoge nan.
Habitantenan di e bario ta haci un apelacion na e instancia pa manda ploeg di gobierno pa haci un limpiesa den e area aki.
