Mini Mega awe nochi no a produci un ganado. E premio mayo di Mini Mega Plus di Fundacion Lotto pa Deporte a keda aden. Pues ningun cumprado a bet riba e combinacion di number cu a sali cu ta 05-29-22-23 y Mega Ball ta 02. Consecuentemente, e premio di Mini Mega Plus ta sigui crece y e premio di diabierna awo a bira 2.175.000 florin.
Lotto, e loteria di Aruba ta existi desde 1982 y tin diferente wega; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. E fundacion a sa di crece benta di e productonan durante e ultimo añanan te alcansa un record na 2022 di 56 miyon florin! Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
