Chevrolet Spark bayendo ariba a bolter riba Green Corridor. Chauffeur afortunadamente no a haya nada di gravedad y ningun otro auto mas tabata envolvi.
Esaki a tuma luga diasabra anochi, den careda di 12:00 am riba Green Corridor poco prome cu rotonde Drive-Inn direccion pariba.
Patruya di Polis cu a yega rapidamente y topa cu e Spark riba caminda den su banda. Segun testigo na e sitio, e chauffeur di e Chevrolet tabata biniendo cu un velocidad basta halto y a trata di pasa meymey di dos auto.
A purba maniobra pa drenta bek na su man drechi, e chauffeur a perde control cu consequencia menciona.
E testigo a indica cu el a para mesora na momento di presencia e accidente. A baha na careda pa pa wak unda por brinda auxilio. Mientras e otro vehiculo a sigi core.
Aunque e vehiculo a bolter y tabata mustra un accidente espectacular, afortunadamente e chauffeur di e Chevrolet a haya solamente un corta na su pia, cu tabata mustra basta profundo. Paramediconan a atende e victima, trasnporte cu ambulance pa asina hib’e hospital pa un check-up medico mas avansa.
Polis tabatin e caminda cera desde rotonde di Drive-Inn y a haya nan mes ta haci e caminda limpi despues mirando cu a keda basta glas gespart rond.
