Diasabra ultimo a tuma luga na stadion di Riverplate e dos semi-finalnan di Fedeveta 2023 den e categoria 35 Plus. Por bisa cu e teamnan a bin pa gana y por lo tanto emocionnan y e caliber di weganan tawata sumamente halto, den e prome encuentro Bubali 35 + y Brittania 35+ a bataya otro pero na pito final Bubali a gana 3 pa 1. Mester bisa despues di wega tawatin un desacuerdo chikito y por lo tanto 1 carchi cora a calma tur cos. Pabien na Bubali cu a pasa pa final
E di dos partido a entre Riverplate cu Nacional a bay manera tur expectativa, hopi duro y e referee a demostra hopi pasenshi pa cu e batayanan riba tereno, e nivel di futbol si tawata hopi halto mes cu atakenan fuerte di ambos team cu a tene e dos keepernan hopi ocupa. Pero na pito final Riverplate a logra pasa pa final cu e score di 2 pa 1.
![](https://24ora.com/wp-content/uploads/2024/04/1712925172710blob-1080x1440.jpg)
![](https://24ora.com/wp-content/uploads/2024/04/1712925201440blob-1080x1440.jpg)
Un danki na e cuerpo di referee: Ben Lucker, Gustavo,Luis Zambrano, Rambo Flanegin y head of Referee Ernst Mohamed.
Diasabra awor 13 di april riba veld di Nacional tin 2 bataya grandi y duro di 50 plus:
Pa 7:00pm ta Roma contra Caravel y pa 8:30pm Hooiberg contra di ARUSUR.
Bar y cushina lo ta bon surti y musica lo ta na encargo di DJ Nacional.