Un motociclista a resulta herida, ora el a dal den un auto riba L.G. Smith Boulevard, na altura di ex-Kong Hing Super Center. Cu ambulance a transporta e victima pa hospital, pa ricibi tratamento medico mas avansa.
Na e sitio a constata cu diabierna anochi pa 10:30 pm, e auto ta marca Hyundai, modelo Accent, color blanco y numera A-43916. E motorcycle ta marca BMW y ta numera MFA-2118. E impacto tabata basta fuerte pasobra e daño material ta considerabel.
Tanto polis di trafico como companianan di seguro a yega na e sitio pa investiga con e accidente a tuma luga. Ta te despues di un investigacion, ta dicidi cua seguro lo cubri e daño y con hopi lo cubri tambe.
![](https://24ora.com/wp-content/uploads/2023/09/WhatsApp-Image-2023-09-15-at-22.49.52.jpeg)
![](https://24ora.com/wp-content/uploads/2023/09/WhatsApp-Image-2023-09-15-at-22.49.53.jpeg)
![](https://24ora.com/wp-content/uploads/2023/09/WhatsApp-Image-2023-09-15-at-22.49.54.jpeg)
![](https://24ora.com/wp-content/uploads/2023/09/WhatsApp-Image-2023-09-15-at-22.49.54-1.jpeg)
![](https://24ora.com/wp-content/uploads/2023/09/WhatsApp-Image-2023-09-15-at-22.59.28.jpeg)