Den comunicado, e presidente di partido CURPA, Ing. Max Robert a menciona cu a grita pa hopi aña caba cu e partidonan tradicional y nobonan cu actitude tradicional no tin e interes di e pueblo na pecho pero mas bien nan interes personal.
Awe nos por mira otro prueba di esaki ora gobierno a dicidi y anuncia cu ta duna placa y aprobacion pa un parada di luz 26 februari venidero ariba e route di carnaval te den oranan di madurga sin tene cuenta cu e interes general y peliger pa salud di nos grandinan y otronan.
Desde cu e pademia a drenta Aruba gobierno ariba un manera dictorial a maneha e asunto aki kitando libertad di nos cuidadanonan y destrui nos economia. E pueblo mester a soporta e abusonan aki di gobierno y e huesnan tirando tur cos ariba interes general.
Ora ta trata nan bienestar personal ta core kita regla manera entre otro un casamento di yui di prome minister cu a tuma lugar na december ultimo na tierra del sol cu fiesta grandi y tur. Despues di e fiesta aki por a nota cu e casonan di covid-19 a subi sky high. Awor kiko ta e interes personal cu gobierno tin pa organisa un parada di luz den dos siman di tempo pa 26 februar? Den secreto a organisa e parada di luz akipaso un evento di un magnitud asina 2 siman ta hopi riba man. Ora tur cos tabata cla y bon hinca den otro a dicidi di anuncia cu dia 26 di februari 2022 lo tin parada di luz.
Mi por menciona algun manera:
1. sponsernan di benta di alcohol y cuminda
2. kier ta haantje de voorste y mustra mundo cu nos ta e prome cu ta organisa un parada? Mundo no ta draai rond di Aruba shonnan
3. Cabez a bira mas loco ainda? Pesey nos tin PAZ.of
4. tal vez nan kier pega henter Aruba cu e virus pa asina bolbe bin cu medida y actitude dictorial?
E capacidad di ICU y camanan den hospital ta limita y no ta responsabel pa tuma un riesgo grandi asina. Pa casi 24 luna hende no por a tene un boter di alcohol ariba caminda publico y awor diripiente si por?
No tin placa pa nada pero awor diripiente tin placa pa sponser gruponan musico y paga overtime na polisnan y otro instancianan?
Turistanan no ta interesa pa un parada di luz y sigur no ta bin specialmente den dos siman di tempo pa algo asina. Y si bo kier algo pa e turistanan organisa e parada na e high rise hotel saliendo for di oude molen pa marriott dedica solamente pa turistanan pa asina nan entre nan pega nan mes.
Pueblo di Aruba e gobierno aki no tin e interes di e pueblo di Aruba na pecho pero esun di nan mes, sponsernan y un grupito di carnavalista loco.
Partido CURPA ta spera cu gobierno ta reconsidera e locura irresponsabel aki y usa sano huicio. Si dicidi di sigui toch cu e parada di locura aki y despues resulta den un desaster nacional anto gobierno per direkt mester baha y yama un eleccion. Asina pueblo masalmente por vocera nan disgusto contra e gobierno aki den e hokie di votacion.
Solamente e pueblo por salba e pueblo y no e interes personal di politiconan. Nos di partido CURPA ta spera cu e polisnan y otro instancianan cu mester duna man pa realisa e parada aki ninga di coopera pa participa na e locura aki pa asina e parada keda cancela. Igualmente partido CURPA ta contra cualkier parada na juli venidero y mester djies mantene e agenda carnavelisco di 2023.