Siman pasa Filomena College Mavo na San Nicolas a entrega algun premio special na un grupo di alumno. Pa Filomena College Mavo ta hopi importante, banda di e conocemento di e materianan escolar, pa e alumno desaroya tur creatividad y talento artistico tambe.
A premia un total di 6 alumno pa e concurso di Pintura Cultural 2021. E ganado absoluto cu su pintura creativo di cu e bandera di Aruba a bira Yanyi Mo Cen. E finalistanan ta Anuar Rincones, Mireya Weller, Hezron van der Linde y Richard Geerman.
Tambe a saca e premio di dia di mama 2021, gana pa Ludwig van der Linden, Gilaynie Warner y Daviën Thomasa. Tur ganado a ricibi nan premio for di man di directorado Raquel Lampe, Joraine Oduber y nan mentornan.