Diadomingo dia 25 di juli a tuma luga e graduacion di e muchanan di Eiva Conta Storia Speelschool. E coordinadora di e scol, Paola Garcia a conta con e graduacion di e speelschool a bay. Un total di 19 mucha a gradua, di cual nan tur lo bay atende kleuter awo.
E muchanan mes a prepara entretenimento pa e evento, nan a train duro pa asina presenta un show di baile pa nan mayor, wela y welonan como tambe e staff di e scol. Despues di a baila y gosa y celebra nan logro, nan tur a disfruta di un dushi cuminda pa asina clausura e evento.
E scol tin un total di ocho maestro, incluyendo un koki cu ta traha cuminda tur dia pa e muchanan. Paola a conta cu nan a enfrenta retonan grandi debi na e pandemia, e scol a habri na December 2019 y ya na maart a haya nan ta sera nan porta despues di apenas cuater luna. Sinembargo, nan a keda lucha como famia pa asina mantene e scol habri.
Actualmente e scol tin un total di 65 mucha, di cual 19 a gradua pa continua kleuter pero, nan tur lo keda atende Eiva Conta Storia Speelschool tra’i merdia. A termina gradiciendo e mayornan pa nan sosten y confiansa durante e temporada dificil aki como tambe e ekipo di maestro cu a duna nan tempo extra pa brinda un ambiente sano pa e muchanan.
