Gerlien Croes ta beleidsfunctionaris na Bureau Europese Unie en Koningrijks Relatie. Nan ta encarga pa e informacion pa loke ta programanan en general, pa loke ta Europa.
E programa aki yama Erasmus +, ta un fondo cu tin lasonan ainda special cu Union Europeo, pa duna toegang na algun subsidio unda cu por ofrece proyectonan, cu ta wordo cubri financieramente pa studiante, maestronan, pa un grupo grandi di persona cu por biaha bay afo, no solamente na paisnan cu ta miembro di Union Europeo, pero partnernan manera Merca. Ya e intancia tin mas cu un aña y mey activo, treciendo informacion na diferente institucion y scol. EPI tabata un di e promenan riba lista cu a acerca. EPI tabata hopi contento cu esaki y tambe hopi comprometi na momento cu e oportunidad a drenta.
Iraika Yanez a haci un tremendo trabao y sigui tur procedura y cu a logra cu por a haci un aanvraag pa un proyecto y a wordo duna na EPI cu por crea un oportunidad asina grandi pa e studiantenan, cu lo ta biahando pa haci un trainingship na Alemania den e lunanan cu ta bin.
Na mes momento ta felicita e studiantenan di EPI. Di parti di oficina di relacion di reino, ta kere cu e trabao ta sigui pa trece informacion di loke Europa ta ofrece. Tin hopi mas cos cu nos comunidad por participa na dje y ta keda cu e trabao pa busca mas institucion pa wordo credita y crea mas oportunidad pa hobennan na Aruba.
EPI ta un scol di MBO opleiding. Mayoria biaha mester di un acreditacion. Den e caso aki cu e filial tabata tin esaki.
Aruba cu su laso cu Union Europeo, ta bin na remarca pa e fondonan aki. Ta keda e nationaal contactpunt, pero tin cu traha hunto cu un agentschap na Hulanda y e agentschap aki ta esun cu ta haci e acreditacion y ta keur goed e proyecto cu ta pidi pe. Den e caso aki EPI ta acredita caba y den e caso aki a haci un project aanvraag. Y esaki a bay hunto cu cooperacion di oficina di relacionnan di reino y Union Europeo yudando pa drenta den contacto cu e agentschap, a logra pasa e fase pa yega na e proyecto. Nan tabata tin mester di un partner y a logra hay’e na Alemania.
Cada proyectio ta depende di e agentschap y e fondo cu tin disponibel. Den e caso aki, cu semper ta purba pidi pa e maximo cantidad, a acorda pa 18 studiante por participa. E proyecto ta cana dos aña largo y semper por haci un peticion durante e tempo ey. Tambe ta purbando pa crea un oportunidad pa e maestronan, no solamente esnan cu ta duna les, pero pa EPI en general por participa na un proyecto asina pa nan por biaha y haya mas experiencia y siña un tiki mas pa loke ta desaroyo personal y pa nan parti di trabao.
