“Awe mi a haci un site visit di e proyecto di renobacion y ampliacion di aeropuerto Gateway 2030. Esaki ta bira e proyecto di mas grandi den historia di Aruba”, asina Minister Dangui Oduber a duna di conoce un rato pasa, despues di a atende un presentacion di e proyecto riba tereno di Aeropuerto.
Di acuerdo cu Gobierno di Aruba, ta premira cu e proyecto lo ta di un inversion di 500 miyon florin y lo crea un spin off economico. Lo crea masha hopi empleo y tambe genera hopi entrada pa Gobierno.
E bishita di awe ta masha importante pa Aruba Airport Authority, despues cu recientemente a dicidi di para henter e proyecto di ampliacion te ora cu tin claridad riba e acuerdo di cooperacion entre Schiphol Group y Gobierno di Aruba. Banconan cu ta cla pa fia AAA e suma di 500 miyon florin pa e proyecto, ta prefera pa Schiphol Group mes ta encarga cu e proyecto durante renobacion. Gobierno no a yega na un acuerdo cu e compania Hulandes ainda, pa cual Aeropuerto no a firma e fiansa ainda. Awor fiansa ta aproba, pero Aeropuerto no kier firma pa tuma e placa tanten cu Schiphol Group no tin garantia cu nan lo tey pa largo ainda riba nos isla.
