Barco di marina Zr.Ms. Holland, lo sali dialuna, di dos dia di pasco for di Den Helder pa e region di Caribe, unda cu den e proximo lunanan lo bay actua den operacionnan contra droga, tareanan di kustwacht y eventual ayudonan humanitario.
E stationsschip lo ta ekipa cu dos boto di rubber FRISC, un helicopter di combate NH-90 y un ekipo di abordahe. E ekipo di abordahe di Kustwacht lo sostene e barco durante operacionnan di kustwacht y tambe durante operacionnan di combatimento di droga, e barco di patruya lo ricibi sosten di un team di abordahe di kustwacht Mericano.
E barco lo sustitui Zr.Ms. van Speijk como stationsschip cu algun siman atras a regresa e waf di Den Helder. E tripulacion a sa di intercepta un cargacion grandi di cocaina. E prome tabata un botin di 550 kilo di cocaina riba un go-fast. E di dos tabata un botin di 1600 kilo di cocaina riba bispo di aña y tabata scondi riba un boto comercial cu bandera Tanzanes. E tripulacion tambe a rescata naugragonan di un barco Panameño for di mar Caribe.
