Dialuna mainta varios hende a nota un cantidad di caha poni dilanti un supermercado conoci na Santa Cruz. Na prome instante no tabata sa si ta biento of cacho a plama e cahanan. Tampoco no sa si un of mas hende por a haci un mal joke mirando cu e cahanan tabata poni semi netjes.
Ora a yega cerca di e cahanan, a ripara cu den cada caha tabatin piedra hinca aden pa mantene e caha na su luga. Mirando e cosnan asina aki, a pone hende pensa cu kisas esaki ta un manera cu e supermercado aki a dicidi pa indica e medida di distancia social di 1 meter y mey cu cada cliente mester tin. Aunke e pensamento ta uno innovativo, esaki a keda mustra masha mahos mes y lo tabata miho si nan a uza duct-tape pa marca e distancia. Spera cu e doño di e supermercado lo haci bon uzo di e sugerencia di duct-tape y kita e cahanan for di dilanti su luga.
