Awe for di 8:00 am a habri na Centro di Bario Playa Pabou e centro di votacion di un eleccion primario di Venezuela.
Pa e eleccion presidencial di 2024, oposicion a dicidi di uni pa scoge un candidato cu lo representa henter oposicion den e eleccion menciona.
Ta prome biaha den historia cu algo asina ta tuma luga. Oposicion ta sinti cu di e forma aki nan ta miho prepara pa enfrenta Maduro y trata di yega na un presidente nobo despues di 24 aña di loke nan ta yama dictadura.
En total tin dies candidato registra p’e ronda di eleccion aki. Durante e campaña pa registra pa e votacion aki a logra haya casi 1600 Venezuela registra.
E comision local ta haci un yamada na tur Venezolano registra pa acudi. E mesa di votacion ta habri te 4:00 pm of te ora cu e ultimo persona vota. Si tin persona cu no tin forma pa yega, por yama 690-0818 of 566 9343.
