Women’s Club of Aruba (WCA) ta un organisacion di hende muhe cu ta haci hopi trabou di boluntario den comunidad cu proposito educacional y of caritativo.
WCA tin varios comision permanente y special. Un di e comisionnan special ta “Dress a Child” (DaC), cu ta un comision cu ta encarga cu e proyecto di bisti e muchanan di famianan di menos recurso pa temporada di Pasco y fin di aña. Di comercio WCA ta haya cooperacion di algun tienda den diferente districto, caminda por bisti cada mucha, cu ta bin na remarca, di cabes te pia.
Actualmente e comision di DaC ta hopi tristo, pasobra den menos cu un siman, dos comerciante carismatico, cu pa hopi aña a coopera cu e proyecto aki cu ta tambe nos Signature Project, a bay laga nos.
![](https://24ora.com/wp-content/uploads/2024/03/Dowco-1-1920x1440.jpg)
Ta trata di Eddie Daou di Dowco NV y Greta Posner di Giselle Department Store. Pa hopi aña Carmen Russel ta captain di DaC na Dowco pa e muchanan di Santa Cruz y vecindario y Marva Solagnier ta captain na Giselle Department Store pa e muchanan di Noord y vecindario.
![](https://24ora.com/wp-content/uploads/2024/03/Giselle-3-831x1440.jpg)
![](https://24ora.com/wp-content/uploads/2024/03/Dowco-2-1080x1440.jpg)
Presidente Reina Geerman, directiva y miembronan di WCA ta gradici famia Daou di Dowco y famia Posner-Figaroa di Giselle Department Store pa e bon cooperacion di semper. Eddie y Greta ta dos comerciante, dos persona semper contento pa duna nos muchanan un bon bini cu un smile riba nan cara.
WCA ta manda sincero condolencia y hopi forsa na e dos famianan y na personal di Dowco y Giselle. Cu Eddie y Greta sosega na paz den reino celestial!
![](https://24ora.com/wp-content/uploads/2024/03/Giselle-2.jpg)
![](https://24ora.com/wp-content/uploads/2024/03/Giselle-1-1920x1440.jpg)
![](https://24ora.com/wp-content/uploads/2024/03/Dowco-3.jpg)