Ingenious Business Solutions (IBS) Group awe a lansa riba mercado di Aruba un self-service payment kiosk. Natessa Mansur, Senior Business Technology Consultant di IBS a haci e anuncio aki.
Via di e kiosco aki, cu ta situa na dos establecimento te awo, e persona por yega wak e servicionan cu tin disponibel, pidi e productonan, paga y despues pasa recoge, si ta necesario.
Por instala e kiosk aki na tur tipo di negoshi, di restaurant te pa check-in na hotel. Ta yega na e mashin hinca bo datonan y hasta bo por paga di biaha. E kiosco aki awo ta instala na New India Assurance y Taco Bell. Den caso di Taco Bell, si tin un fila largo, bo ta yena bo pedida, uza bo bancomatico y djis sinta warda prome cu bo recoge bo pedido.
E ta haci e servicio mas eficiente.
Cualkier negoshi cu ta interesa den un kiosco por tuma contacto cu e ekipo di benta di IBS. Loke ta necesario pa e kiosco bay den funcion na cualkier negoshi ta e hardware, e sistema mes y haci un evaluacion na e cliente pa mira con ta conecta e negoshi cu e kiosco.
Nan ta maneha tambe e pantayanan grandi cu tin tanto paden of pafo riba caya. E ta asina moderno cu por haci cambio riba cualkier pantaya na cualkier momento. Por ehempel, e departamento di Recurso Humano kier manda un informacion pa tur departamento di compania via un di e pantayanan aki, esey por sosode.
Tambe nan tin outdoor led pa propaganda cu tin na diferente punto rond di Aruba.
