Durante su bishita na Corsou dialuna ultimo Prome Minister di Aruba Evelyn Wever-Croes a haci un bishita di cortesia na Gobernador di Corsou sra. Lucille George-Wout.
Durante e encuentro ameno, Prome Minister Evelyn Wever-Croes a elabora riba e plannan di Aruba den e transformacion di gobernacion na caminda pa bon gobernacion den nos pais, di cual un bon maneho financiero ta parti di dje y tambe e pasonan pa garantisa integridad y bon gobernacion.
