Fundacion Mi Voz Ta Bo Voz ta organisa un bingo diasabra. Esaki ta forma parti di e recaudacion di fondo pa e proyecto ‘Back to School’ di e fundacion. Cada carchi bingo ta costa solamente 10 flolrin y e premionan ta varia entre 200 te cu 2000 mil florin!
E fundacion a ricibi 500 registracion. Hunto cu Fundacion pa nos Comunidad nan sa cu tin alrededor di 800 mucha den necesidad na Aruba. A purba yega un cifra basta cerca, otro siman nan lo haci un screening p’asina sa si en berdad e muchanan ta den necesidad.
Problemanan social nunca ta caba, e pandemia a haci esaki un poco mas debi cu hopi hende a perde trabou. Esaki ta haci cu hopi mayornan no por a cumpra material pa nan yiu bay scol.
E bingo lo ta diasabra awo di forma virtual via canal 48 riba Cable TV pa 7:00 pm.
