Fundacion Motor Unit Aruba ta organisa nan prome walk and run ariba diadomingo 18 di februari 2024. Esaki ta den cuadro di celebracion di nan segundo lustro.
Lo tin diferente categoria: mucha desde 4 te 11 aña, hoben for di 14 te cu 16 aña y adulto for di 17 aña te cu 60+. Esaki ta nifica cu no tin excuus pa no participa. E evento lo cuminsa pa 6:00am en punto pa e adultonan y 7am pa e mucha -y hobennan. Distancia lo ta 6km pa adulto y pa mucha ta varia dependiendo di nan edad.
E punto di salida lo ta patras di santana na Paradera. Ta di remarca cu tin luga pa solamente pa 600 participante incluyendo mucha, hoben y adulto. Por registra via www.vmurun.com y pasa paga na un di e tres tiendanan di Nature’s Discount sea na Palm Beach, Seroe Blanco of Savaneta.
inscripcion ta costa AWG. 15,00 pa mucha/hoben y AWG. 25,00 pa adulto. Lo tin premiacion overall den tur categoria di edad pa adulto y mucha/hoben. Na final lo tin fruta y bebida pa refresca.
Fundacion VMUA ta pidi tur participante pa bisti un tshirt di cualke careda cu nan a participa den e ultimo 10 aña nan. Asina kier logra formalisa un evento colorido y alabes bay bek un tiki den tempo.
Lo tin espacio amplio pa parkeer na Club Caiquetio y na Misa di Paradera.
Fundacion Motor Unit Aruba ta conta cu un maximo participacion. Registra mas lihe posibel pasobra op=op
