E solucion a yega pa tur cu kier check nan salud na Colombia. Un compania nobo cu un meta importante. VIP Medical Travel Companion Aruba a habri nan porta na januari ultimo. E propietario, Dianne Gomez-Koolman ta duna cada cliente e atencion necesario.
Cu e servicio di VIP Medical Travel Companion Aruba ta facil, bo ta paga un tarifa y ta ricibi tur cos inclui. E tarifa ta inclui bo pasashi ida y buelta, transporte di aeropuerto pa hotel y regreso, hotel, chekeo medico, bishita pa un atraccion di Bogota, consulta cerca dokter y compañante priva kende lo t’ey cu bo na tur momento. E servicio ta cuminsa for di Aruba caba, ta compaña e cliente durante henter e vuelo te ora yega Aruba bek, ta regla tur papel, entre otro di migracion, pues e cliente no mester preocupa practicamente cu nada.
VIP Medical Travel Companion Aruba ta un compania registra na notario y Camara di Comercio. Compara cu ora ta biaha riba bo mes, ora haci uzo di nan servicio, por biaha cu cierto remedi y ekipo di salud cu normal no ta permiti, tur esaki mirando cu ta certifica pa biaha cu ekiponan medico pa Colombia.
E compania aki tin contacto directo cu diferente hospital y botica na Bogota. Ta hacie mas flexibel tambe pa ora di haci test y busca remedi. Nan servicio ta solamente pa Bogota, Colombia. E clientenan lo keda den un hotel top na Bogota, e ta un dies miho hotelnan den e ciudad menciona. Durante e cobertura special aki, 24ora.com a combersa cu algun cliente cu a conta nan experencia propio. Locual a resalta ta e trato cu nan ta ricibi, e palabra VIP ta bisa tur cos.
Dianne Gomez-Koolman ta invita pueblo henter pa tuma contacto cu ne p’asina e splica bo mas di e servicio cu e ta ofrece. Por contact Dianne na +297 7491319, preferibel via WhatsApp mirando cu mayoria biaha e ta na Bogota. E ta gradici tur e clientenan cu te awo a haci uzo di su servicio, pa cual ta mas cu binti. Te awo tur a keda contento cu e servicio cu nan a ricibi.
