Recientemente a tuma luga na Club Kibrahacha un curso di motivacion pa diferente assistent di dokter, organisa pa Aruba Medical Assistance. Aki nan a ricibi instruccion di varios profesional den salud.
Segun Azriah Palm, boluntario di fundacion CVA Aruba , e aña aki, a dicidi pa rebiba e assistentnan y esey ta haciendo a traves di ofrece nan curso cual ta necesario sigur pa nan funcion, pa asina nan por yuda comunidad mas miho.
Tabata busca un formula pa yuda halsa y amplia conocemento di e assistentnan. Nan ta e cara di dokter. Ken no tin experiencia door di yama un assistent y e na su turno, door di su conocemento ta purba di yuda e pashent miho posibel.
Loke a dicidi cu lo bay hinca nan den un trayecto cual lo cuminsa pa otro aña hunto cu HOH Academy, unda cu nan lo haya diferente topico, ta sigui charla of tayer y na final nan ta haya un prueba cu ta mara un cifra.
Durante e aña cu nan atende charla, nan lo ta acumula punto, manera un tipo di acreditacion. Loke ta haci ta pa eleva nan conocemento na un nivel cu dia di mañan nan por duna un miho servicio na comunidad di Aruba cu mas conocemento. Esey lo encera cu e peso cu e dokter tin lo bira un tiki menos. Pero esey no ta kita cu e dokter lo keda responsabel.
Semper e assistent tin cu consulta cu e dokter, pero door di bin cu e trayecto aki, sigur e conocemento ta bay ta riba un nivel basta bon cu nan tambe ta wak e ora e satisfaccion di nan trabao.
