Algo pasa di 7or di mainta polis di Playa a dirigi nan mes na lus di trafico na e crusada di Guardian Group. Eynan a sosode un accidente. Na yegada di e patruya a bin topa cu un Toyota Yaris color shinishi.
Ora a bay acerca e manehadora di e Yaris, e tabata keha di basta dolor di neck. Mesora a pidi presencia di ambulance pa asina paramediconan duna asistencia medico. E dama a duna datos na polis cu un van lo a dal su tras sin brake y despues a bandona e sitio y a lage herida. E impacto tabata basta fuerte te cu e dama a haya sla na su nek. Ambulance a presenta y asina e manehadora a haya e asistencia y despues a transporte pa hospital.
