No ta mucho dia pasa cu a sosode un accidente cu UTV envolvi. Awe tardi alrededor di 4:00 pm un UTV numera A-59390 a bolter lagando un persona herida. E victima hende homber a kap su cabes debi na e impacto. E kap tabata basta grandi y tabata sangra hopi. E UTV tabata cubri cu santo y sanger.
Ambulance a presenta cu urgencia pa atende cu e victima. Danki Dios, el a cana subi ambulance, pero pa su propio siguridad, a transport’e pa hospital caminda e lo ricibi atencion medico avansa.
Polis di trafico a presenta pa documenta e accidente, tur cos ta mustra cu nan a huur e UTV for di un persona local. Mirando cu e UTV ta un A nummer y no tin ningun sticker di un compania legal registra na camara di comercio.