Universidad di Aruba ta den un fase di transicion, cu hopi mas cambio y expansion na caminda mientras cu e instituto ta sigui riba su trayecto di crecemento. Sue-Anne Lee, Interim Rector na Universidad di Aruba ta bisa cu despues cu rector anterior a bay nan a haya e encargo pa tuma e rol ademas di ta decano pa por sigui guia e organisacion te ora haya rector nobo.
Aworaki lo cuminsa pa publica vacatura pronto pa asina por atrae un rector nobo pa habri aña academico. “Asina cu e vacatura habri, tur hende lo haya oportunidad pa aplica. Esey ta conta pa interno, y tambe internacional.
E ta bay habri pa tur pero esey no ta kita afo cu internamente tambe lo ta posibel pa yena esaki.” E instituto ta trahando ainda den nan mesun direccion strategico cu nan ta traha hunto cu stakeholders interno den e organisacion unda tur a palabra unda nan kier yega como organisacion. “Y den mesun direccion eynan nos ta canando.”
Pa mas informacion, lesa TREMPAN.
