UNCHR, e agencia pa refugiado di Nacionnan Uni a lansa un video pa social media tocante inclusion di refugiado y migrante den Aruba su plan di vacunacion contra COVID-19, un hecho aproba pa UNCHR y su partnernan na Aruba como cu e ta un paso crucial den e cuadro di e minimalisacion di e propagacion di e virus.
Aruba tabata un di e prome paisnan den Caribe pa anuncia un plan di vacunacion inclusivo, cu oficialnan di salud cu ta recomenda y encurasha vacunacion pa tur hende riba 12 aña di edad.
Di e miyones di Venezolano cu a sali di nan pais, ta pensa di tin un calculacion di mas o menos 17.000 cu tin Aruba como hogar nobo.
E pandemia di COVID-19 a crea varios reto insuperabel den tur poblacion. Miyones di hende a perde nan entrada of trabou y ta haya obstaculo pa por alcansa cubri gasto diario. E emergencia di salud cu ta continuando y su impacto socioeconomico a afecta grandemente miles di local, refugiado y migrante den Caribe cu ta den un lucha continuo pa por mantene y formalisa nan estadia. Hopi no tin acceso pa e servicionan basico manera salud y hopi tin risico halto pa ta expulsa di nan hogar y pa cay den pobresa.
“E inclusion di refugiado Venezolano y migrante den e plannan di vacunacion ta un tremendo paso den e direccion corecto pa reduci e propagacion di e virus,” Kelly Bendelow, hefe di e oficina di UNHCR na Aruba ta conta. “Inmunisacion di henter e poblacion na un forma igual y husto mescos cu un residente lo resulta na final di ta salba bida di tur y lo sigui avansa e esfuersonan pa e virus stop di propaga”.
E video crea pa UNCHR, cu aporte di Gobierno di Aruba ta un muestra di apoyo na refugiado y migrante na Aruba danki na e sosten y contribucion di su partnernan incluyendo Union Europeo, Merca, Reino Uni, UNAIDS y Francia y di su partnernan principal ken ta haci donacion flexiblemente.
