Cu tur e crisis cu ta pasando por a sinti cu e cantidad di accidentenan na e crusada di Misa di Playa bay direccion di Emmastraat (banda di edificio di Wit Gele Kruis) a baha basta.
Awe den oranan di mainta sinembargo bisiñanan a bolbe scucha “boom” y tabata un accident na e famoso crusada aki. Esaki a sosode rond di 10.30 di mainta. Un Nissan Tiida y un Mitsubishi Lancer a dal den otro. E Nissan Tiida no a para na e crusada y e Mitsubishi lancer ta dal den banda di e Tiida. Daño material tabata basta na e Mitsubishi cu mester a pidi takel wagen pa asina move for di e sitio debi cu radiator ta zona.