Uzo di vehiculo electrico dia pa dia ta birando un peliger cada biaha mas grandi. No solamente cu nan ta forma parti den trafico pero no tin un maneho fiho di cua, kico y con nan ta permiti nan uzo riba caretera.
E situacion ta di seriedad mirando cuanto accidente nan ta envolvi den dje y e cantidad di hende cu ta resulta herida. Ta na su luga pa bolbe haci un apelacion pa pone atencion cu e tipo di vehiculonan aki y regula su uzo mas lihe posibel.
Relaciona cu esaki, a tuma nota di un di e vehiculonan aki den un caida formal riba e strip na Palm Beach. E persona a recupera y reacciona mesora. A lanta y subi e step bek pa sigui core manera nada no a pasa.
Si acaso tabata bin trafico contrario, e lo a bay pega bou dje auto. Na mes momento si tabatin auto su tras lo tabata mes un consecuencia funesto ey. Pero e peliger ey ta parce cu e bishitantenan no ta tene na cuenta. Nan ta riba un aventura riba nos isla y ta kere cu tur cos mag.
