Artista Omaira Silva a traha un obra special pa e hardin di biblioteca. Riba peticion di directora Astrid Britten, Omaira a traha riba un diseño unico pa e hofi. Un diseño cu ta un expresion di nos Flora y fauna tipico. Omaira a haci e ultimo trabounan pa por entrega su obra di Mosaico.
Omaira ta bon conoci pa su Mural Art na Aruba. Su obranan ta diferente caminda p.e. Paseo Herencia, Murals na San Nicolas di Aruba Art Fair, Costa Linda, Eagle Beach speeltuin y su studio ta na Ponton.
Biblioteca Nacional Aruba ta sumamente contento cu Omaira Silva a traha riba un obra special na biblioteca. Un obra cu ta parti di Hofi Joy parti patras di e edificio principal na Playa.
Cu hopi dedicacion Omaira a traha riba su obra.
