Tabata alrededor di 12:30 am ora cu polis a presenta na un adres conoci pa polis na Sero Blanco 175 p’un bringamento. Na prome instante a kere cu ta entre tata cu mama, pero a resulta cu un yiu grandi a lanta cu nan den cas y a agredi un otro miembro di famia.
Na yegada di polis, a deten’e e homber mesora, di cual no a bay facil, el a resisti su detencion formalmente. A notifica personal di ambulance p’asina atende cu e persona cu a resulta herida. Den un transporte policial a transporta e agresor pa warda di polis caminda lo present’e dilanti un subfiscal. Tur cos ta mustra cu e lo pasa algun dia tras di tralie.