Awe nochi pa 9:45pm un auto a dal den un cura di cas na Rooi Koochi. Na yegada di polis a topa cu e chauffeur poco betra y mesora a detene debi cu e kier a bandona sitio tambe.
Polis a splic’e riba e consecuencianan di stuur auto burachi. A deten’e y transport’e pa ward’i polis San Nicolas, unda un Fiscal Auxiliar tabata wardando riba dje pa dicidi riba su encarcelacion. Den casonan asina, ta encarcela chauffeurnan burachi te mainta ora cu nan a caba di “pasa nan wayaba”. Separa di e detencion, ta bin un multa tambe pa stuur auto bou di influencia.
Y locual hopi chauffeur no ta tene cuenta cu ne ta e hecho cu companianan di seguro ta nenga di sea paga e daño na bo auto completo of parcialmente ora cu bo ta burachi. Ley ta bisa cu ta prohibi pa stuur auto burachi, pues ta sali for di e punto di bista cu un chauffeur burachi ta actuando contra ley caba.
