Un gran mayoria den Tweede Kamer kier pa minister Ank Bijleveld di Defensa consulta su aliadonan riba e fortalecimento di e defensa militar di e partinan Caribense di Reino.
Cu e fin aki, Tweede Kamer a adopta un mocion di Isabelle Diks (GroenLinks) cu solamente e votonan di SP y Partij voor de Dieren den su contra. E motibo di e mocion ta e preocupacion di e intensificacion di e disturbionan na Venezuela y e regimen di Nicolas Maduro ta seduci pa e “aventurismo militar” den e region.
Diks kier pa e motibo ey un “defensa mas robusto” di e islanan ABC y pa Hulanda e ora haci acuerdonan formal cu Francia y Gran Britania kendenan alabes tin interesnan den Caribe, pero tambe cu Merca.
Mas durante principio di aña, a adverti Tweede Kamer desde circulonan naval cu e presencia actual di Defensa den e partinan Caribense di Reino no ta suficiente.
