No ta prome bes ta surgi accidente cu UTV. Diahuebs mainta, den careda di 10:30 am, a sosode un accidente patras di Kapel di Alto Vista.
Un turista a huur UTV pa conoce mas di nos isla, pero pa un of otro motibo e chauffeur a perde control y bolter cu e vehiculo. Di biaha a pidi asistencia policial como di ambulance.
Polis a presenta na e sitio pa asina documenta e accidente. Ambulance a presenta na e sitio y di biaha e paramediconan a bay atende cu un di e turistanan cu a termina herida. Mientras cu e paramediconan tabata atende cu e turista herida, e agentenan tabata atende cu e otro turista masculino riba accidente y pa ta mas cauteloso.
