E siman aki e Bonaire International Regatta lo culmina. Licetha Saragoza-Martinus ta presidente di Stichting Aquaspeed Bonaire Windsurfers y organisado di e di 56 edicion di e Regatta, a comenta cu a caba cu e fin di siman na Sorobon cu e parti di windsurf y sunfish. Nan a bay Playa, cual a toca turno p’e yatenan, sunfish, microboats, y tur esey lo tuma luga den e bahia di Kralendijk riba diahuebs, diabierna y diasabra.
E PARTICIPANTENAN
Pa aworaki ainda no tin un cifra total. A duna e parti di late registration for di 10:00 am te cu 4:00 pm, unda cu ainda tin chens pa inscribi, vooral cu tin yate cu a yega laat fo’i Corsou.
Segun Saragoza-Martinus, e yatenan aki a competi di Corsou bin Boneiro y awe nan ta haci nan parti di registracion pa por tin un totalidad mas atardi, cuanto participante lo bay tin den e Regatta.
ENTRETENIMENTO
Segun Saragoza-Martinus, tin un team ta haci e parti di e festival mes, cual ta den caya parti anochi. Riba diabierna tin un Happy Hour dilanti di cas di Regatta cuminsando fo’i 2:00 pm. Riba diahuebs lo anuncia cual lo t’e sorpresa p’e Happy Hour diabierna.
INVITACION
Un invitacion ta bay pa un y tur yega. Tambe ta gradici e participantenan di Aruba den e parti di microboat. Despues lo haci e lasonan mas estrecho pa tin mas participante for di Aruba. Kier a invita tanto Aruba y Corsou, vooral e pueblo Boneriano pa bin y disfruta di e Regatta parti mainta y tambe e parti anochi.
