Polisnan a asisti pa un situacion sospechoso diadomingo mainta na un area patras di Aruba. Despues di a papia cu e hendenan aki, a dicidi di detene nan pa buracheria.
Polis a bay rond di 8’or di mainta direccion Malmok bay panort unda cu un auto Lincoln color blanco A-51077 tabata coriendo hopi malo direccion Malmok.
Segun un chauffeur a comenta, e vehiculo a pasa dilanti di Marriott y Ritz Carlton y tabata bay direccion di Lighthouse. Esun cu a yama a avisa Polis cu e auto ta core zig zag riba caminda y hasta ta dal den acera.
Polis di Noord a bay mesora den e direccion di Malmok. Nan no a topa cu e auto riba e caminda menciona. Asina mes Polis a keda busca y nan a bin topa cu e vehiculo na Lighthouse pariba di e restaurant. A bay atende cu esnan den e auto. Ta dos homber cu tabata riba trip. Polisnan a tuma e decision pa detene ambos. Polis kier a evita mas peliger pa otronan riba caya y tambe pa ambos homber riba trip. Den transportwagen a hiba ambos warda. E auto a keda para pabou di Lighthouse. E auto Lincoln ta pertenece na un persona fam R y biba na Tanki Leendert.
