Diasabra marduga, poco pasa di 1:00 am, polis di San Nicolas a activa pa un caso serio di menasa cu a tuma luga na Esso Heights. Segun por a compronde, cu na un cas algun persona lo tabatin un discusion tocante un baby, den esey un di nan lo a saca un arma di candela y menasa otro cu ne. Despues di e menasa, nan a bandona e sitio den un Nissan March color ros. Di inmediato a informa autoridad y e buskeda a cuminsa. A logra stop e auto na altura di Pos Chikito y asina tambe a detene e tres persona cu tabata den e auto. A confisca e Nissan March y transporta e detenidonan pa ward’i polis.
